» Tâm Kinh 
|| prajñā-pāramitā-hṛdaya-sūtram | āryāvalokiteśvaro bodhisattvo gambhīrāyāṃ prajñāpāramitāyāṃ caryāṃ caramāṇo | vyavalokayati sma pañca-skandhāḥ tāṃś ca svabhāva-śūnyān paśyati sma | iha śāriputra rūpaṃ śūnyatā śūnyataiva rūpaṃ rūpān na pṛthak śūnyatā śūnyatāyā na pṛthag rūpaṃ | yad rūpaṃ sā śūnyatā yā śūnyatā tad rūpam | evam eva vedanā-saṃjñā-saṃskāra-vijñānāni | iha śāriputra sarva-dharmāḥ śūnyatā-lakṣaṇā anutpannā aniruddhā amalā avimalā anonā aparipūrṇāḥ | tasmāc chāriputra śūnyatāyāṃ na rūpaṃ na vedanā na saṃjñā na saṃskārā na vijñānam | na cakṣuḥ-śrotra-ghrāṇa-jihvā-kāya-manāṃsi | na rūpa-śabda-gandha-rasa-spraṣṭavya-dharmāḥ | na cakṣur-dhātur yāvan na mano-vijñāna-dhatuḥ na-vidyā na āvidyā na vidyā-kṣayo na-āvidyā-kṣayo yāvan na jarā-maraṇaṃ na jarā-maraṇa-kṣayaḥ | na duḥkha-samudaya-nirodha-mārgā na jñānaṃ na prāptiḥ | tasmād aprāptitvād bodhisattvānāṃ prajñāpāramitām āśritya viharaty acitta-āvaraṇaḥ | citta-āvaraṇa-nāstitvād atrasto viparyāsa-atikrānto niṣṭha-nirvāṇaḥ | tryadhva-vyavasthitāḥ sarva-buddhāḥ prajñā-pāramitām āśritya anuttarāṃ samyak-saṃbodhim abhisaṃbuddhāḥ | tasmāj jñātavyaṃ prajñā-pāramitā mahā-mantro mahā-vidyā-mantro’nuttara-mantro’samasama-mantraḥ sarva-duḥkha-praśamanaḥ satyam amithyatvāt | prajñā-pāramitāyām ukto mantraḥ tadyathā gate gate pāragate pārasaṃgate bodhi svāhā | iti prajñā-pāramitā-hṛdaya-sūtraṃ samāptaṃ || |
